Google ADS

Rrëzohet një avion ushtarak sllovak

12:03 | 29 Shtator 2019
L G

Ministria e Mbrojtjes së Sllovakisë, tha se gjatë stërvitjeve është rrëzuar një avion Mig-29, i prodhuar nga sovjetikët. Ministria tha se piloti arriti që të dalë nga avioni pak kohë para rrëzimit.

Avioni ushtarak u rrëzua në afërsi të qytetit Nitra, që gjendet rreth 100 kilometra në lindje të Bratislavës. Ministria e Mbrojtjes tha se piloti është dërguar në spital, duke shtuar se gjendja e tij është stabile dhe jashtë rrezikut për jetë. Pas këtij incidenti, Sllovakia vendosi që të ndalojë fluturimin e Mig-29, derisa të përfundojë hetimi lidhur me shkaqet e rrëzimit të avionit më 28 shtator.

Më 2018, Sllovakia nënshkroi një marrëveshje për të blerë 14 avionë ushtarakë të tipit F-16 nga një komani me seli Shtetet e Bashkuara, pasi dëshiron që të zëvendësojë avionët e kohës sovjetike, që aktualisht ka. Avionët e parë F-16 pritet të arrijnë në Sllovaki më 2022.

 

 

 

Shpërndaje në rrjete sociale

Lajmet më të lexuara

Të ngjashme

Foto lajm